បទបញ្ជាផ្ទៃក្នុង
សម្រាប់និស្សិតថ្នាក់បរិញ្ញាប័ត្ររង ថ្នាក់ឆ្នាំសិក្សាមូលដ្ឋាន
ថ្នាក់បរិញ្ញាប័ត្រ និងថ្នាក់អនុបណ្ឌិត
ជំពូក ១
លក្ខខណ្ឌនៃការចូលរៀន
ប្រការ ១. លក្ខខណ្ឌទទួលសិស្សឱ្យចូលរៀន ៖
១- អាចចូលរៀនថ្នាក់សញ្ញាប័ត្រជំនាញវិជ្ជាជីវៈ ឬ បរិញ្ញាប័ត្ររង បេក្ខជនទាំងពីរភេទ ជាសិស្ស និស្សិត ប្រជាពលរដ្ឋ មន្ត្រីរាជការ ត្រូវមានសញ្ញាប័ត្រមធ្យមសិក្សាបឋមភូមិ មធ្យមសិក្សាទុតិយភូមិ ឬ សញ្ញាប័ត្រដែលមានតម្លៃស្មើ ។
២- អាចចូលរៀនថ្នាក់ឆ្នាំសិក្សាមូលដ្ឋានបាន បេក្ខជនទាំងពីរភេទ ជាសិស្ស និស្សិត ប្រជាពលរដ្ឋ មន្ត្រីរាជការ ត្រូវមានសញ្ញាប័ត្រមធ្យមសិក្សាទុតិយភូមិ ឬ សញ្ញាប័ត្រមានតម្លៃស្មើ ។
៣- អាចចូលរៀនឆ្នាំទី១ ថ្នាក់បរិញ្ញាប័ត្របាន បេក្ខជនទាំងពីរភេទជា សិស្ស និស្សិត ប្រជាពលរដ្ឋ និង មន្ត្រីរាជការ ត្រូវមានសញ្ញាប័ត្រឆ្នាំសិក្សាមូលដ្ឋាន ឬ សញ្ញាប័ត្រដែលមានតម្លៃស្មើ ។
៤- និស្សិតដែលមានសញ្ញាប័ត្រ ឬ វិញ្ញាបនប័ត្របញ្ជាក់ការសិក្សានៅគ្រឹះស្ថានឧត្តមសិក្សានានា អាចចូល រៀនឆ្នាំទី២ ឬ ទី៣បាន លុះត្រាតែបានឆ្លងកាត់ការវាយតម្លៃរបស់គណៈកម្មការ នៃសាកលវិទ្យាល័យ ។
៥- អាចចូលរៀនថ្នាក់អនុបណ្ឌិតបាន បេក្ខជនទាំងពីរភេទ ជានិស្សិត ប្រជាពលរដ្ឋ មន្ត្រីរាជការ ត្រូវមាន សញ្ញាប័ត្របរិញ្ញាប័ត្រ ឬ សញ្ញាប័ត្រមានតម្លៃស្មើ ។
៦- ត្រូវឆ្លងកាត់ការប្រឡងតេស្ត ដែលបានកំណត់ដោយសាកលវិទ្យាល័យ ។
៧- សាកលវិទ្យាល័យអាចទទួលនិស្សិតគ្រប់កម្រិត មានថ្នាក់បរិញ្ញាប័ត្ររង ថ្នាក់បរិញ្ញាប័ត្រ និងថ្នាក់ អនុបណ្ឌិត ដែលផ្ទេរពីគ្រឹះស្ថានឧត្តមសិក្សាដ៏ទៃ ។
អានបន្តរ......