សាកលវិទ្យាល័យចំរើនពហុបច្ចេកវិទ្យា គឺជាសាកលវិទ្យាល័យដែលផ្តល់ពហុពុទ្ធិ ទេពកោសល្យ
វិជ្ជាជីវៈ និងសីលធម៌ដល់និស្សិតលើគ្រប់វិស័យក្នុងផ្នែកវប្បធម៌ សង្គម សេដ្ឋកិច្ច និងវិទ្យាសាស្រ្ត ដើម្បីអភិវឌ្ឍធនធានមនុស្សនិងក៏សាងសមត្ថភាពដើម្បីអភិវឌ្ឍសង្គមជាតិ។
យើងដឹងហើយថា វិបត្តិសង្គមខ្មែរបច្ចុប្បន្នគឺជាវិបត្តិធនធានមនុស្ស និងសីលធម៌។ មាតាបិតាខ្មែរទាំងឡាយកំពុងតែគិតចំពោះអនាគតកូនចៅរបស់ខ្លួន ដែលទទួលបានការអប់រំមានកម្រិតនៅឡើយពីសាលារៀនគ្រប់ភូមិសិក្សានូវសមត្ថភាពវិជ្ជាជីវៈនិងគុណធម៌។ ចំណេះដឹងវិទ្យាសាស្រ្តបច្ចេកទេសដែលគ្មានមនសិការ រមែងបំផ្លាញព្រលឹងមនុស្សនិងសង្គម។ មាតាបិតាខ្មែរកំពុងបន់ស្រន់ឲ្យកូនចៅរបស់ខ្លួនមានការយល់ដឹងអំពី វប្បធម៌បច្ចេកទេសផង និងអំពីគុណធម៌ផង។ ដូច្នេះ បេសកកម្មចម្បងរបស់សាកលវិទ្យាល័យ គឺការរួមចំណែកយ៉ាងសកម្មជាមួយរាជរដ្ឋាភិបាល ក្នុងកិច្ចការក៏សាងធនធានមនុស្សប្រកបដោយសមត្ថភាពពេញលេញ ស្វាហាប់ ឈ្លាសវៃ ប៉ិនប្រសប់ និងស្ទាត់ជំនាញ ដើម្បីគុណភាព និងឧត្តមភាពនៃការងារទីផ្សារសេរី។
" ការប្រកួតប្រជែងខាងវិស័យអប់រំដោយមិនគិតពីនិយាមគរុកោសល្យ នឹងធ្វើឲ្យនិស្សិតចេញទៅគ្មានសមត្ថភាព និងអសីលធម៌វិជ្ជាជីវៈ ត្រូវទទួលទោសមុខច្បាប់ " ប្រសាសន៍បណ្ឌិតសភាចារ្យសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។
សាកលវិទ្យាល័យចំរើនពហុបច្ចេកវិទ្យា ត្រូវបានទទួលស្គាល់ដោយរាជរដ្ឋាភិបាលកម្ពុជា តាមអនុក្រឹត្យលេខ៥៦ អនក្រ.បក ចុះថ្ងៃទី១៤ ខែមិថុនា ឆ្នាំ២០០២។ ធ្វើសហការជាមួយក្រសួងស្ថាប័នរដ្ឋ សាកលវទ្យាល័យនានា ក្នុងនិងក្រៅប្រទេស ដើម្បីរៀបចំកម្មវិធីសិក្សា និងការបង្រៀនជាខេមរភាសា និងភាសាអង់គ្លេសដល់និស្សិត ថ្នាក់បរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត ដើម្បីបង្កភាពងាយស្រួលក្នុងការសិក្សាស្រាវជ្រាវ។
" សាកលវិទ្យាល័យជាបណ្តុំនៃអ្នកវិទ្យាសាស្រ្ត ហើយអ្នកវិទ្យាសស្រ្តផ្តល់ អនុសាស្រ្ត និងគតិបណ្ឌិត សម្រាប់ការអភិវឌ្ឍន៍សង្គម សេដ្ឋកិច្ច វប្បធម៌ និងបច្ចេកវិទ្យា " ។
សូមសម្តេច ទ្រង់ ឯកឧត្តម លោកជំទាវ ឧកញ៉ា លោក លោកស្រី អ្នកនាងកញ្ញា ទទួលបាននូវជោគជ័យ សិរីមង្គល វិបុលសុខគ្រប់ប្រការកើតមានឡើងតរៀងទៅ។