សាកលវិទ្យាល័យចំរើនពហុបច្ចេកវិទ្យាប្រារព្ធពិធីបីក្នុងថ្ងៃតែមួយ
(០៩.មេសា.២០១០)
កាលពីថ្ងៃទី ០៩ មេសា ២០១០ កន្លងទៅថ្មីៗនេះ សាកលវិទ្យាល័យចំរើនពហុបច្ចេកវិទ្យាបានប្រារព្ធពិធីបីផ្ទួនៗគ្នានៅក្នុងថ្ងៃតែមួយ។ ពិធីទាំងនោះគឺជាការប្រគល់វិញ្ញាប័នបត្រថ្នាក់ឆ្នាំសិក្សាមូលដ្ឋាន និងប័ណ្ណសរសើរដល់និស្សិត ស.ច.ព, ការចុះអនុស្សារណៈយោគយល់គ្នារស្តីពីកិច្ចសហប្រតិបត្តិការជាដៃគូរវាងសាកលវិទ្យាល័យ ស.ច.ព ជាមួយនិង អង្គការមូលនិធិបណ្តាញចែករំលែកពិភពលោកនៃសាធារណៈរដ្ឋកូរ៉េ, និងជាពិសេសនោះគឺពិធីជុបលៀងខួបគម្រប់ឆ្នាំទី៩ នៃការបង្កើតសាកលវិទ្យាល័យ ស.ច.ព នៅក្នុងឱកាសបុណ្យចូលឆ្នាំថ្មីប្រពៃណីជាតិខ្មែររបស់យើង។
ឆ្លៀតក្នុងឱកាសនោះផងដែរ ឯកឩត្តមបណ្ឌិត ជា ចំរើន សមាជិករដ្ឋសភា និងជាសាកលវិទ្យាធិការនៃសាកលវិទ្យាល័យចំរើនពហុបច្ចេកវិទ្យាបានមានប្រសាសន៍ថ្លែងក្នុងកម្មវិធីទាំងនោះថា ស.ច.ព តែងតែប្រារព្ធពិធីនេះជារៀងរាល់ឆ្នាំ ដើម្បីលើកទឹកចិត្តដល់និស្សិតរបស់សាកលវិទ្យាល័យ ហើយនិងរំលឹកដល់វប្បធម៌ជាតិតាំងពីបុរាណកាលមក ដោយយើងរៀបចំកម្មវិធីលៀងល្បែងប្រជាប្រិយមួយចំនួនដូចជាៈ ល្បែងវាយក្អម, ញុំាចេកប្រណាំគ្នា, ប្រឡងចម្រៀងប្រពៃណីជាតិខ្មែរ និងរាំងលេងកំសាន្ត។
(រៀបចំនិងដកស្រង់អត្ថបទដោយ ថាមពល)