គោលការណ៏ការងាររបស់ ស.ច.ព ៖
- ១. គោរព និងធ្វើតាមតួនាទី ភារកិច្ចនិងកាតព្វកិច្ចរបស់ផ្នែកនីមួយៗឲ្យបានត្រឹមត្រូវល្អតាមការចាត់តាំង។
- ២. មានលក្ខណៈបត់បែនទៅតាមកាលៈទេសៈតម្រូវឲ្យ តែមិនឲ្យប្រាសចាកគោលដៅរបស់សាកលវិទ្យាល័យជាដាច់ខាត។
- ៣. មានទំនួលខុសត្រូវខ្ពស់ចំពោះការងាររបស់ខ្លួននៅតាមផ្នែកនីមួយៗ ដោយបង្កើនស្មារតីទទួលខុសត្រូវឲ្យបានច្រើនជាអតិបរមានៅក្នុងចំណោមបុគ្គលិកទាំងអស់ និងការចូលរួមធ្វើសេចក្តីសម្រេចចិត្តពីសំណាក់ បុគ្គលិកតាមផ្នែកនីមួយៗ។
- ៤. សហការនិងធ្វើការងារជាក្រុម ដោយទទួលស្គាល់និងជំរុញលើកទឹកចិត្តបុគ្គលិកដែលខិតខំធ្វើការងារជា ប្រចាំថ្ងៃនៅក្នុងការធ្វើឲ្យសម្រេចបានគោលបំណង និងវត្ថុបំណងរបស់សាកលវិទ្យាល័យ។
- ៥. មានការប្រាស្រ័យទាក់ទងរវាងគ្នាជាប្រចាំ និងផ្តល់ព័ត៌មានរវាងគ្នាដោយស្មោះត្រង់ឥតលាក់លាមដោយទល់មុខគ្នាជាការល្អ។
- ៦. រាល់ការប្រាស្រ័យទាក់ទងរវាងការិយាល័យនិងផ្នែកទាំងអស់ត្រូវរក្សាការសម្ងាត់របស់សាកលវិទ្យាល័យ រាល់តាំងពីឯកសារជាលាយល័ក្ខអក្សរ(ជារួមមានរបាយការណ៏គ្រប់ប្រភេទ កំណត់ហេតុ សំណើផ្សេងៗ។ល។) ត្រូវឆ្លងកាត់ការិយាល័យរដ្ឋបាលជាមុន ដើម្បីដាក់ជូនសាកលវិទ្យាធិការពិនិត្យនិងសម្រេច និងផ្តល់អនុសាសន៏ ឬមូលវិចារណ៏។
- ៧. បុគ្គលិកគ្រប់ប្រភេទនិងគ្រប់ការិយាល័យនិងផ្នែកទាំងអស់ ត្រូវរក្សាការសម្ងាត់របស់សាកលវិទ្យាល័យ រាប់តាំងពីឯកសារជាលាយល័ក្ខអក្សរ និងឯកសារផ្ទុកក្នុងអេឡិចត្រូនិច យកទៅបង្ហាញជាសាធារណៈ លើកលែងករណីមានការអនុញ្ញាតពីសាកលវិទ្យាធិការជាមុនសិន។
- ៨. មានប្រសិទ្ធភាព និងគុណភាពការងារខ្ពស់ ដើម្បីបង្កើនប្រាក់ចំណូលនិងចំណុះខ្ពស់នៃអតិថិជន ជារៀងរាល់ជំនាន់ និងវគ្គនីមួយៗក្នុងបំណងរក្សានិរន្តរភាពរបស់សាកលវិទ្យាល័យ។
- ៩. វិន័យ និងពិន័យ ជាវិធានការណ៏ត្រូវប្រកាន់យកនិងអនុវត្ត ចំពោះបុគ្គលិកសិក្សារូបណាមួយដែលមិនប្រតិបត្តិតាមទស្សនទាន បេសកកម្ម តម្លៃ និងទស្សនវិជ្ជារបស់សាកលវិទ្យាល័យ ស្របទៅតាមរដ្ឋបាលសាកលវិទ្យាល័យ ច្បាប់ស្តីពីការងារ នីតិវិធីការងារ ច្បាប់ស្តីពីការអប់រំ និងច្បាប់ពាក់ព័ន្ធដទៃទៀត។