ទស្សនវិជ្ជា

បណ្ដាញ តំបន់ ស្វៃងរក

ទស្សនៈសាកលវិទ្យាធិការ

សាកលវិទ្យាល័យចំរើនពហុបច្ចេកវិទ្យា គឺជាសាកលវិទ្យាល័យដែលផ្តល់គុណភាព សមត្ថភាព និងសីលធ៌មវិជ្ជាជីវៈខ្ពស់ ដល់និស្សិតលើគ្រប់វិស័យក្នុងផ្នែកវប្បធ៌ម សង្គម សេដ្ឋកិច្ច និងវិទ្យាសាស្ត្រ ដើម្បីអភិវឌ្ឍធនធានមនុស្សនៅក្នុងសង្គមជាតិ។

អានអត្ថបទ

ទស្សនវិជ្ជា

១. សាកលវិទ្យាល័យចំរើនពហុបច្ចេកវិទ្យា មានជំហរការងារពង្រឹងគុណភាពអប់រំ ស្របទៅតាមទស្សនវិជ្ជាដូចតទៅ៖
- ១.១ បង្កើតបទដ្ឋានមួយ ដើម្បីទទួលបានផលកម្រៃខ្ពស់ពីការធ្វើវិនិយោគ នៅក្នុងវិស័យឯកជននៃការសិក្សាអប់រំកម្រិតឧត្តមសិក្សា និងក្រោយឧត្តមសិក្សា ដែលជាចំណែកមួយនៃការចូលរួមជាមួយរាជរដ្ឋាភិបាលនៅក្នុងកំណែទម្រង់វិស័យអប់រំនៅកម្ពុជា នៅទន្ទឹមពេលដែលសាកលវិទ្យាល័យចំរើនពហុបច្ចេកវិទ្យា នឹងទទួលបានផលកម្រៃពីដំណើរអភិវឌ្ឍទៅមុខប្រកបដោយនិរន្តរភាព។ < li>១.២ បង្កើតឲ្យមានជាផែនការយុទ្ធសាស្រ្តមួយសមស្របទៅនឹងបរិបទក្នុងប្រទេស តំបន់និងសាកលភាវូបនីយកម្មនៃការអប់រំ និងបណ្តុះបណ្តាលធនធានមនុស្ស។
- ១.៣ ផ្តល់មូលនិធិចាំបាច់ដើម្បីអភិវឌ្ឍន៏ដំណើការអនុវត្តន៏របស់ ស.ច.ព ទៅតាមទិសដៅ ទស្សនទាន បេសកកម្ម និងវត្ថុបំណងរបស់ខ្លួននៅក្នុងការពង្រឹងវិន័យ និងគុណភាពធនធានមនុស្ស និងសេវាកម្មដែលមានស្រាប់នៅក្នុងក្របខណ្ឌ និងអាណត្តិរបស់ស.ច.ព។
- ១.៤ តាមដាននិងវាយតម្លៃការអនុវត្តន៏ការងារទៅតាមផែនការរយៈពេលវែង មធ្យមនិងខ្លីរបស់សាកលវិទ្យាល័យដើម្បីធានា និងរំលេចគុណភាពអប់រំ ឲ្យលេចធ្លោស័ក្កិសមជាសាកលវិទ្យាល័យមួយឈានមុខគេនៅក្នុងព្រះរាជាណាចក្រកម្ពុជា។
- ១.៥ លើកទឹកចិត្ត នឹងផ្តល់ប្រព័ន្ធលើកទឹកចិត្តដល់បុគ្គលិកគ្រប់ជាន់ថ្នាក់របស់ ស.ច.ព ទៅតាមការខិតខំប្រឹងប្រែង និងមានស្នាដៃល្អនៅក្នុងការប្រតិបត្តិតាមទស្សនទាន បេសកកម្ម គុណតម្លៃ និងគោលដៅរបស់ខ្លួនដែលដាក់ចេញ។
២. នៅក្នុងការប្រតិបត្តិការងាររបស់ខ្លួន ស.ច.ព នឹងផ្តល់ឲ្យដល់បុគ្គលិកគ្រប់ជាន់ថ្នាក់នូវសេរីភាព និងទំនួលខុសត្រូវ៖
- ២.១ ដើម្បីគ្រប់គ្រងអាជីវកម្ម សេវាកម្ម និងការងារផ្ទាល់ខ្លួនឈានទៅសម្រេចគោលដៅអភិវឌ្ឍដែលបានតាំងចិត្តស្របទៅតាមសេចក្តីថ្លែងការណ៏មានក្នុងទស្សនវិជ្ជារបស់ស.ច.ព។
- ២.២ ដើម្បីបង្កើតផែនការយុទ្ធសាស្រ្ត និងគោលដៅពង្រឹងគុណភាពអប់រំរបស់ ស.ច.ព ឲ្យមានដំណើររលួន និងរីកចម្រើនលូតលាស់ជាសាកលវិទ្យាល័យឈានមុខគេនៅក្នុងព្រះរាជាណាចក្រកម្ពុជា។
- ២.៣ ដើម្បីរៀបចំអង្គការចាត់តាំងមួយមានប្រសិទ្ធភាពនិងគុណភាពនៅក្នុងផ្ទៃក្នុងនៃ ស.ច.ព ដែលអាចធានាឲ្យឃើញពីភាពរឹងមាំ ស្ថិរភាពនៃលទ្ធផលរំពឹងទុក និងការរីកចម្រើន លូតលាស់ប្រកបដោយស្មារតីសុទិដ្ធិនិយម។
៣. បុគ្គលិកគ្រប់ជាន់ថ្នាក់របស់ ស.ច.ព ទាំងអស់នឹងផ្តល់សេវាកម្មតែម្យ៉ាងគត់គឺ៖
- ៣.១ មានប្រយោជន៏ជាមូលដ្ឋានគ្រឹះចាំបាច់ ចំពោះការការពារកិត្តិយសនិងកិត្តិស័ព្ទ ស.ច.ព។
- ៣.២ មានសេចក្តីត្រូវការចាំបាច់ សម្រាប់ដំណើអភិវឌ្ឍរីកចម្រើនទៅមុខឈានមុខគេរបស់សាកលវិទ្យាល័យ។
- ៣.៣ មានការប៉ងប្រាថ្នា តាមការប្រតិបត្តិតាមការងាររបស់សាកលវិទ្យាល័យ និងដែលមានផ្តល់អត្ថប្រយោជន៏ជាខ្លាំងទៅលើគុណភាពអប់រំទាំងអស់។
- ៤. ស.ច.ព នឹងទទូចជាខ្លាំងលើ៖
- ៤.១ លក្ខណៈឯកភាពនៃរបៀបធ្វើបញ្ជីគណនេយ្យ ប្រកបដោយតម្លាភាព និងសុច្ចរិតទៅតាម ផ្នែកនីមួយៗនៃប្រភេទវិនិយោគទុនរបស់សាកលវិទ្យាល័យ។
៤.២ ការបង្ហាញឲ្យឃើញដោយគ្មានការពន្យាពេលនូវរាល់លទ្ធផលនៃការប្រតិបត្តិតាមការងាររៀងៗខ្លួន និងតាមផ្នែកនីមួយៗរបស់សាកលវិទ្យាល័យ។
៤.៣ ការបណ្តុះបណ្តាលធនធានមនុស្សដែលធ្វើការងារជាអចិន្រ្តៃយ៍របស់សាកលវិទ្យាល័យនឹងផ្តល់ទៅតាមរបៀបមួយដែលមានលក្ខណៈជាប្រព័ន្ធត្រឹមត្រូវ។
៤.៤ ផ្សារភ្ជាប់ខ្លួនទៅនិងបទដ្ឋានមួយខ្ពស់និងសមស្របនៃការប្រព្រឹត្តខ្លួន ឬមារយាទល្អ ដូចមានចែងក្នុងគុណតម្លៃរបស់សាកលវិទ្យាល័យស្រាប់។